موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

احلى بيت ابوذية في الغزل

مشارکة غزلية في الابوذية: في هذه الايام العطرة برياح الولاء و الامامة و المبارکة بميلاد امير المؤمنين علي بن ابي طالب- عليه السلام- و يوم الاب طلبنا من شعراءنا الاماجد في خوزستان ارسال بيتا من الابوذية في مجال الغزل و شارک ما يقرب ۱۰۰ شاعر من کافة المدن في المحافظة و ارسلوا ما جادت به قرائحهم و اشادت به احاسيسهم و تفنوا في توصيف الحبيب و التغزل به، بصور بارعة و تمکنوا من خلق لوحة رائعة جميلة، شارک برسمها بين شاعر علم في الشعر، له دور بين في تطور الادب العربي و بين شاعر شاب في طريقه لکسب التجربة و في اول مسيرته الادبية، بدورنا في موسوعة الادب العربي في خوزستان نتقدم بتواضع الشکر الکثير لتفضلهم و مشارکتهم في المسجالات الشعرية بکل ترحيب و التي لها اهمية هامة في تطوير الادب العربي، و في النهاية نرى عجز المفردات من اداء الشکر اللايق بحقهم غير انه نطلب من الباري لهم التوفيق و التقدم و الوصول الى اعلى الدرجات في الادب العربي انشالله تعالى. للمزيد انقر على التفاصيل. 

 

 

احلى ابوذية في الغزل من شعراء خوزستان

ابدموعی بردت نارک وناشاب***جفون اللیل هم نامت و ناشاب

ارافگ گمت عوچیه وناشاب***ابطبعک هاذ ما ظل حیل بیه

و قالت في الهات:

آه چلمات المعاتب یولمن***الک ضحیت ابحیاتی یو لمن؟

لا تظن گلبی اویه گلبک یولمن***ملح ما قزر و اعرفک بدِّ ذات

الشاعرة نجات کاظمي طرفي من سوسنگرد(الخفاجیة)

*************

قصن أمحبتک بيه لمنما***ترکتني ومنک أجروحي لمنما

لمن ماتمر بيه لمنما***اشوفک يالله حيلي يرد عليه

و ايضا:

الگلب من اليحبه عيب خطار***ولويدري ابطريقه انکتب خطار

أحب اگصدادياراهواي خطار***واشوف المده شح وصله عليه

و ايضا:

ششمن وجنتک ولفي شمسهه***تلح وتگوللي أتدنه شمسهه

ناروتحرگ اليگرب شمسهه***شمس ليل ونهارتنورهيه

الشاعر مهدي ارزيج نعيماوي(عساکره) من شادگان(الفلاحية)

****************

اندرع درع الصبر بجفاک وانشگ***وعن حبک محال اعتزل وانشگ

لوتلمس يمنتي الخصر وانشگ***عبيرک مايظل کل مرض بيه

الشاعر توفيق النصاري من شادگان(الفلاحية)

***************

عشگت أنه و من ألنظرات شفتک***یخل یوم المن ألشباچ شفتک

شفت شفتی ألترید أتبوس شفتک ***لأن أنته الیبت شفتک علیه

و ايضا:

نعم لشوگ لعیونک بلی له***و انه اسهران ما یرغد بلیله

لبیع اباب منزلکم بلیله ***ابأمل شرای تشریهه امندیه

و ايضا:

انه العطشان عل حب مای أریدک ***وأبد لناس بیدی مایر أیدک

أریدک کون غیری ما یریدک***بخیل انه ابحبیبی و مو بدیه

الشاعر محیي الچاملي من شادگان(الفلاحية)

**************

یناهی سهام ترمینی من ادیر***عیونک وصبحت هایم من ادیر

حسنک شرد الراهب من ادیر***جن وهام مدری ابیانویه

و ايضا:

دلیلی هام بیهه من شفتهه***عسل یگطریعالم من شفتهه

الهسه العین تدمع منشفتهه***بسبب ریم الفله الشحت علیه

الشاعر هادي رزیج آلبونعیم عساکره من شادگان(الفلاحية)

***************

ابروحي يل تحط کل يوم وشل***دمعي ابکد بجاي اعليک وشل

شتخيط جرح بلکلب وشل***اذا ميت جرح خليت بيه

و ایضا:

ابسخاوه خل هواک وياي مومن***يمن تل هم علي بجفاک مومن

علي اسئل ليالي اشتاي مومن***نهاروليل صيفي المرعليه

و ایضا:

الهوي ذب ثوب ستره والعبايه***واخاف انه ايتحول والعبايه

اشزاد الغرف کبلي والعبايه***من بحره اشحوه غيرالاذيه

و ایضا:

امساير خل هواک وياي موتل***علي اتلال هم فرکاک موتل

يمن راويتني بجفاک موتل*** ذبح قيس ابعذاب العامريه

و ايضا:

دمه ابدال الدموع اعليک سلمن***اعيوني ولاتظن بجفاک سلمن

لاتسال عليه الخلک سلمن*** اليالي وشوف شتکلک عليه

الشاعر عبدالقادر عبدالحسين مقدم من شادگان(الفلاحية)

************

أصیر اموالفک تقبل وحبلیک***وأدبی الشوفتک بالحب وحبلیک

إخذ وإفتل حبل ودی وحبلیک***إلا أن بس تفارگنه المنیه

الشاعر محسن آلبوسلیمي من شادگان(الفلاحية)

**************

هوالعذبي الصبح نسم وهبلاک ***يمن ربک حسن يوسف وهبلاک

ابوجودک جنه دنيانه وهبلاک***يخل نارومراراوهم واذيه

و ايضا:

ذثق يوم الهويتک يخل بدراک***يمن هل وکتمل بسماي بدراک

يروحي وياامل دنياي بدراک ***من افراقک تسبب مرض بيه

الشاعر عبدالقادر المزيدي من شادگان(الفلاحية)

**************

انا ال نفسی رخیصه ونتبیه***و اذا ون یوم گلبک ونتبیه

گلت بیک أظل عایش ونتبیه***أشو ذبیتنی و ظلیت بیه !!!

و ايضا:

وحگ مسجد نبي الرحمه واذانه ***انا ال بس الک فک عينه واذانه

چثيره الربع باستک ، واذانه *** ردت بوسه تکض روحک عليه

الشاعر عبدالخالق آلبوعلي من شادگان(الفلاحية)

****************

تهت من فرکاک تعال وصير يمنه***و صرت ما أعرف اليسره واليمنه

ويمن جيتک لعند الروح يمنه***حبيب وغالي تظل إنته عليه

الشاعرة عواطف الحيدري من الشوش

****************

شفته ابخاطري ترسم شفته؟شفته***اوطيبت علتي شفته؟شفته

من وصل شفتي شفته؟***صحيت اوردت العله عليه

الشاعر سيد رضا البعاج من شادگان(الفلاحية)

****************

ياما الحب امات الگلب وحياه***و ياما سهره ببلواه وحياه

علي نزل إله الآه وحياه***و رسول اصبحت للهم و الأذيه

الشاعر عادل السکراني من شادگان(الفلاحية)

****************

الک بين القلب والعين شهدي***يدنيا ابحبي للزينين شهدي

عسل آنه وخلص لهواي شهدي*** واريد انته التوافي التعب ليه

الشاعر رحيم ابوعارف الصاکي من الحويزة

******************

ادوسن عل هضم لجلک ولکدار*** ودلیلی ماطره الغیرک ولکدار

الک بیت ابعجدگلبی ولک دار***وازورک کل صباح وکل مسیه

الشاعر سعید کوتي الحویزي من الحويزة

*****************

ضب النظربغيابک وکتما***يلي مخزن السري وکتما

اکطع إمل منعندک وکتما***الملقن يلقن المقنون ليه

و ايضا:

الوکت بس رادنه انط منطحنه***وصبرنه انذوک مره منطحنه

صدک مشلات حبک منطحنه***لجن حد المجالع ونتريه

الشاعر شامخ عبيات المنصوري من سوسنگرد(الخفاجیة)

****************

علی؛اهواک تتخافگ علامه***وصرت بهواک للوادم علامه

علامه اتهاجر وتنسه علامه***روتک عینی وانته اتشح علیه

الشاعر شیخ مهدي الساري من الحويزة

****************

الک یامارجف گلبی ولجلک***وسهم حب وسط دلالى ولجلک

چنت محفوف بصحابى ولجلک ***عفتهم ونته ماتنشدعلیه

الشاعر رحیم سواري من سوسنگرد(الخفاجیة)

****************

اشکثريهواي کون اصبر بعدکم***طواني و هشم ارکاني بعدکم

الصبر يسهل اخاف ابگه بعدکم***عمری ایطول و اگذیه اباذیه

و ايضا:

دمعی عل مشو بلیل منسل***ابسب فرگاک جسمی نهل منسل

بعد لتظن ابدل ثوب منسل***لمه اتعودون والعشره سویه

و ايضا:

گضیت العمر امشی ورمشاک***وانته بلعکس مشیک ورمشاک

سودنی نظر عینک ورمشاک***صرت مجنون حبک فتک بیه

الشاعر مهدي عفراوي من سوسنگرد(الخفاجیة)

****************

حبیبی من کلام الحب ولکنص***اوعالی اعلی الخلگ راسی ولکنص

روحی نص الی صارت ولکنص***واخذ نصی لأن سهمک اشویه

الشاعر علي الصالحي من  الحمیدیة

*****************

خدودک ياترف تفاح بسل *** کلیته او لعد احشای بسل

چذب منگال موتی صاربسل*** لأن طعمک لذیذ وفتک بیه

و ايضا:

احن للی یرانی ولمرا ***وعلیه الدهر گایم ولمرا

شفت شکلی ابمرایا ولمرا***اتکسرت من لاح الکبر بیه

الشاعر عبدعلي مرعي من سوسنگرد(الخفاجیة)

*****************

بیک آنه اشبلانی اشلون شفتک***من شفتک رشفتک جست شفتک

دگلی اشصار بیه ابیوم شفتک***سکرت ابلا خمر مسکوب لیه

الشاعر مرتضي مرد مقدم من شادگان(الفلاحية)

****************

طفل مافسرابحبی علامه***وله نیشان اعرفنه علامه

جمال البیه کل ظنی عله امه ***طلقت بیه حتی ایخون بیه

الشاعر سید محمد الحسني من ماهشهر

*****************

یناهی اببحر حبک منجماله ***الیطیح ولون یفدی منجماله

خجل یوسف ابشوفک منجماله***ابحسد واعترف بیک احلی البریه

الشاعر داریوش خیراوی من خلف اباد

***************

تاه العگل من فکری و رایه***اشماعاین لزمن یرکض ورایه

أصیرن لأخو بیرغ ورایه***ارفرف  لو گبل شخصک علیه

الشاعرة خديجة منصوري من سوسنگرد(الخفاجیة)

***************

شفت ولفي اوصحت يدعج وجبني***عرفته اکثر من الوادم وجبني

اگربتله اوردت اشبکنه وجبني***برص حرثه صفالي او فتک بيه

و ايضا:

حبيبي اتعوفني اتگلب عليمر***احن والريج بغيابک عليمر

بس من الهجر بسک عليمر***اشوفک لاتشح وصلک عليه

الشاعر ملا عباس المشعلي من الاهواز

****************

ابحلات النوم من جاناوعینا***ایتمایل ردت اتچیلاوعینا

حبیبی عض الی شفته وعینا***رمانی وطحت ردسوداعلیه

و ایضا:

عیونک یوم صدن شتمنا***العقل بهواک یدعج شتمنا

اذاتدری ابروحی شتمنا***مشط وتمشط الجعدین بیه

الشاعر عباس البطوش الکناني من مدينة شاوور

****************

ابرموشک انتعش ورتعش کلی***یحبی ابکیل حبک شوگ کلی

الؤجدمی ابطریقک یوم کلی***انتکل کلی اعله کلی اوگطع فیه

و ايضا:

حبیبی اتنام وانه اسهرت لیی لن***اولون ونی الصم اصخرلیی لن

اواصلک عجب ماتصل لیی لن***تحن وانه امتحن بلحن وذیه

و ايضا:

حبیبی اشکثرحبک ترکمانی***ابدلیلی اغیوم هجرک ترکمانی

اعربی انی اولئن حسنک ترکمانی***اجذبانی او(چوخ) وجرشوگ بیه

الشاعر ناصر ابو ماجد فرطوسي من الاهواز

****************

ابسر حبک دگلی فاتحتمن*** اومن یمک دلیلی فاب حتمن

 امهدل چنت تلطم فاتحتمن ***شفت سدرک طحت مقمی علیه

الشاعر جلیل سیلاوي من الاهواز

****************

ابلوح الحب طبع گلبی وصالک***اوصیه ابوسط طیاته  وصالک

الم الناس من تجفی وصالک***اوخلهااتصییح امسودن علیه

و ايضا:

حبیبی الهجرعذبنی تمرمر***ودریت الگلب بغیابک تمرمر

الشهدچان الوصف عدناتمرمر***وحنظل من جفیتوصارالیه

و ايضا:

نحل جسمی ابغرامک مایلحنی***وعلی هجرک دلیلی مایلحنی

تدری لیش سهمک مایلحنی***لئن آنه النضروتشوف بیه

الشاعرحسین وحیدالساري من الاهواز

****************

ابمحبتک یاعذب وکتی ولعذاب***علیه وماامل جورک ولعذاب

عذابک عذب یمذب ولعذاب***عذب مرک مرارک عذب لیه

الشاعر ترکي ابو امین الضبي من الاهواز

****************

ابوالفتوا ابحیبی اشگال شفته***وانا التنضح علی بالعسل شفته

شباب ارجعت اول یوم شفته***اوبیاض الراس اسود رجع لیه

الشاعر محمدحسن العرادي من سربندر

****************

اتعبت لمن حصلت أعلیک والما***شفتک أیه هنالی الزاد والما

یسویها البخت وتصیر والما@اذب روحی وتذب روحک علیه

و ايضا:

علی اسوالفک یاترف عمات***وصرت مثل الی عنده أمس عمات

سبع خالات عندی وثلث عمات ***الرمش عینک أضحیهن سویه

الشاعر ابو موعود الرشيدي من خرمشهر(المحمرة)

****************

اریدک کون یمی ونتحرکون***ابغیابک ریت میت ونتحرکون

اشدهاکم وین رایح ونتحرکون***ابنگل اول جدم تدنه المنیه

و ايضا:

امتحانک لیش یا خلی صفر صار***و ذهب الچان برگبتک صفر صار

 عید الچنت انطرنه صفر صار*** المصایب و العلل لمهن علیه

و ايضا:

يوز امن المصايب لي ولک يوز***الفرح ما يوم دگ بابک ولک يوز

الوکت لو مره ضحکالک ولک يوز***بيک او رايد ايبعدک عليه

و ایضا:

نهیتک لاتطب گلبی شرک چان***الحزن عشعش وسط روحی شرک چان

تذکر یوم حاچیتک شرک چان***ابقنوتی وبلصله مسیطر علیه

الشاعر سالم الساري من الاهواز

****************

اشتظن بل دمع سل دم یخل سلما***ابجفاک و هل گلب یهوای سلما

یسل یل بلوصل شحیت سلما***تسل چالیش شمغیرک علیه

و ايضا:

یناهی ابمشیتک تکتل ترکبل***الم عل چتف وان تحچی ترکبل

چبد والخصر جننی ترکبل***عگل خله ویخل اعطف علیه

و ايضا:

ابهواک العگل یسمر کلمنی***وچنت بی گبل لجلک کلمنی

انا الی صار بیه کلمنی***اگبالک ذللت روحی الابیه

الشاعر مصطفی کثیر من مدینة الحر (الشوش)

****************

اشمعاين للوجه مشبع منشف***گيمر وابهوا العذري  منشف

شمرشف مارتوت روحي منشف***شفافي اعلىالحلگ لزگن خطيه

الشاعر فرج ضمدی من مدينة شاوور

****************

اکتاب الود يفتحه ونتلابس***الگلب جلده و غرامک ونتلابس

لحد جرحي ابغيابک ونتلابس***عجب ثوب الملح وغفيت بيه

و ایضا:

شمس کلیوم اشوفنک وراضیک***احبک دوم احب  سلفک وراضیک

احب کلیوم ازعلنک وراضیک***وموت اعلیک من تزعل علیه

الشاعر عقيل تفاخ من مدينة الشوش

****************

اگعدت مرعوب فزنی الطیف یفلان***ابعدوک او بس اصیحن حیل یفلان

الحس مبحوح ، دمع العین یف لن***حلم بس لو حقیقه اشصار بیه

و ایضا:

سر  هم  البعد یا قلم   ورجه***اکتبه او خل ادز لهوای ورجه

خل یعلم بعدنی انتظر ورجه***حبیبی العافنی او شب نار بیه

الشاعر ایوب زرگاني کربلایي، من الاهواز

****************

الأذيتک جبت عمري بسوالف***وصرت چلمةمذمة بسوالف

شفت ابصحن خدک بسوالف***وأنه لشمةارسمت عيني ابإدية

و ايضا:

شرابي من شرابي ماشرابي***أظن بايع شرابي  ماشرابي

گلت رابي ابدلالک...ماشي رابي***لچن خان الربه من باع بيه

الشاعر صادق العتکي من خرمشهر(المحمرة)

****************

البعدمگیول یاخلی وراهم***وانااعلیک متعودوراهم

هلک لو شالوانحمل وراهم***ابحرلودوالوصوب المنیه

الشاعر سلمان ابومیثاق الحمیداوي من الاهواز

****************

التفتت تشبه الضبیه و یالت***سبتنی وسودنت عگلی ویالت

اعیون المهااتلوگلها ویالیت*** اتملک بدلیل وتسدفیه

و ايضا: 

ریم البرتلاگه اویای بساگ***یسواامنلحمر الفین بساگ

ابلیل اظلم یرن خلخال بساگ***ایتخایلی اصبح من بان ضیه

الشاعر عامرالبواریز سعدي من الشوش

****************

إلج خدين يلتهبن ولچعين ***وإلج شامه إءسرت کلبي ولچعين

أحس کلساع تييني ولچعن***يمين، إيسار،خلفي،وبين إيديه

 الشاعر ملا غلامرضا عساکره نعيماوي من الفلاحية

****************

الجفن یربی الدربک دوم مالا***ولایوم النظرللغیرمالا

جنیت اویای یامحبوب مالا***جناه ایزید وی عترت نبیه

الشاعر  کریم الزهیري من الشوش

****************

الخذو خلي بضعنهم والمشوفه***ردت يأتون و احصل والمشوفه

بجبينه النور يسطع والمشوفه***تشوف خيالها بخده الخطيه

و ايضا:

الخذو من عطر زلفک شمسکاري***صفو و بغلس وکتي شمسکاري

ضوت وابحر شوگک شمسکاري ***سما و موج و خطر محتاط بيه

و ايضا:

جمالک صبح مبکر وکتشافه***الگلب حيه بحضورک وکتشافه

أنا تحديت إديسون وکتشافه***اکشفت وجهک يمد نور الثريه

الشاعر اسماعيل الضبي (مسعودي) من الاهواز

****************

العسل ماظن مثل طبعک شهدبیه***وسلاح الشعربوصافک شهدبیه

مایهده الگلب فرفرشهدبیه***الک گاصدحبیبی وگطع فیه

و ایضا:

یوم ضدک هالزمان ویوم الک***ویاهوالبی باقی کلشی یوملک

مثل مایومی الغیرک یوملک***وبوجه کلمن ضحک تالیته مات

الشيخ عبدمهیوب السویطی الیاسری من الاهواز

****************

الغيرک مانزف جرحي ولک بس***وتعذبني اشکثررايدولک بس

امدخدي عله اشفافک ولک بس***لئن ابوستک مرهم اليه 

الشاعر علي حاتمي من الاهواز

****************

الک وسط الگب مأمن والک دار***هواک اتملک احساسي والک دار

 الک فضة اوذهب شعري والک دار***قوافي الحب اقدمهن هدية

و ايضا:

شهد حبک سرب گلبي تسلسل*** ابهواک  اعداي تشهدلي تسلسل

صرت معنه او عشگ عندي تسلسل***تحدي السيف عل حب البرية

و ايضا:

ولفي لک روحي اوحياتي ولفي لک*** يشهد العالم  احبک ولفي لک

قيس الف مرة اصيرن ولفي لک*** عاشگ اومجنون هايم بلفلات

الشاعر عبد الحسن علي الصياحي من الاهواز

****************

إلک گلبی یحن مایحن بس لاک***ومن حبک تگلی إلخلگ بس لاک

أحط روحی إبکهربا وأنتحر بس لاک*** إذا لحظه تغیب وما تمر بیه

الشاعر عبدالزهرا علي نیا( آلبوعلي) من الفلاحية

****************

الوکت مايوم ياصاحب رحانه*** تطحن کل وکت بلهم رحانه

 علا الذل چودماتمتد رحانه ***اندور المجد لو بيه المنيه

الشاعر کريم عبدالخاني من شاوور

****************

انته کهف الشوگ یادعج ونتعش***وانسه الامی امن اشوفک ونتعش

ان تموت انموت صدگ ونتعش***من تعیش العیش یحله بهل حیات

الشاعر سید ابراهیم غرابي من الاهواز

****************

انطرح حملی ابغیابک یخل من قال*** ابصدودک بس ودادن زدت من قال

نسیتک گول منهو القال من قال*** نسیت العشت لجله وسکن بیه

 الشاعر سید عبدالخالق الحسنی من مدينة ماهشهر

****************

انکسر گلبي ابغيابک حتي گلبه***ومحبته النفسه احسن حتی گل به

الگلب بیدی ارد الزمه حتی گلبه***واسئله ابیاسبب گطعیت بیه

و ايضا:

تسولف آنه وآنه یاهوانته***وغرامک ونته ضاعت یاهوانته

مای انته صرتلی یاهوانته***تمن واتریدتتمندل علیه

الشاعر سید احمد النوري من الشوش

****************

بطيت اولاهي منطبک ورسمک***ادوراعليک واتناشدورسمک

نويت ابدمي اکتبنک ورمسک***وم منشم رسمک يزول الهم عليه

الشاعر حمید بدوي من الشوش

****************

بعدمانولن اوصاله ولحظه***ابذاک التکتل ارموشه ولحظه

ثواني چن نظرصوبي ولحظه***تبسم واشرابايده عليه

الشاعر جاسم خزرجي من الاهواز

****************

بلاحبک وانامحذروجبلاک*** دهانی اوموفرض حبی وجبلاک

یاریت احذاک بس اگعدوجبلاک***اوعلیک التف مثل صل اویاحیه

الشاعر حسين حمداني من الشوش

****************

بهواک اشگد شفت غصه و قصیت***ولا مره افصحت عنه و قصیت

طایر چنت انه بحبک و قصیت***جناحی لیش یلی اگطعت بیه

و ايضا:

کثر یعگوب لبنه الضاع هم لی***وعمانی و مابگالی اعیون هملی

یربی اسئل ترد الراح هم لی***کما ردیت یوسف عد ابیه

الشاعر محمود ابو إسراء الصالحي من عبادان

****************

تبعت الظعن گوطر ماهونه***هویت الموت بعده ماهونه

الی ونه ابدلیلی ماهونه***اذونیت تثگب ناربیه

و ايضا:

صاراسنین یاصاحب بستنی***صرت موال والمطرب بستنی

تگلی العام من شفتک بستنی***واحس ابشفتک للیوم بیه

الشاعر سید محسن البخاتي من شاوور

****************

ترف يل حيل دلالي ورطباک ***ابتليت ابيابس اطباعک ورطباک

اريد اصعد عله اعثوگک ورطباک ***واهز واکل تمر بثنين اديه

الشاعر کاظم خسرجي من الاهواز قرية المگطوع

****************

کتلني لون ملبوسک محنه*** حن اوزور يمعود  محنه

 جلد قلبک و لاعندک محنه*** اسلم اعليک ماتردلي تحيه

و ايضا:

يدهري من تفردولاب فرحل***ترف لومايلوک السلف فرحل

افرحت لاجني موفرحان فرحل***السرورافرحت بالونه الشجيه

الشاعر مله عمران العبادي من عبادان

****************

جفاک ابخل يخلي خله بيه***الم جويه ابدليلي خله بيه

الواشب نارکبرى خل ابيه***بيهه يشتوي ونرجع سويه

الشاعر منصور اليازع صرخي من الشوش

****************

جفني اتعود ادموعه يهلهه***عله البلحب يسودني يهلهه

  دخيل الله اودخيل الکم يهلهه*** عله طرگاعت الطاحت عليه

الشاعر جاسم الفتلاوي من الشوش

****************

چبدي ابنار هجرک هاک گلبي*** احرگه ولاتظن العشگ گلبي

 تدري چم جرج جرحيت گلبي*** ابسبب فرگاک يمدلل عليه

و ايضا:

يمن مالک شبيه ابأنس وجن*** اشماتحچي اصدگ بيک وجن

اذاتبعد اعضاي ابنار وجن*** ومن تگرب ثلج تمطر عليه

 الشاعر عواد الرويشداوي ابوضيأ من الشوش

****************

چذب حب الضمایر مربعنه***وعرفنه اعدانه یاهم مربعنه

ابدوالله یشهدماربعنه*** نگول اول علی(ع)الحد المنیه

و ايضا:

گلبی الذکرمحبوبی لچانی***وبأرحی الفرگه دلالی لاچانی

اراد ایذلنی دلالی لاچنی***گصدت الحبی بأرض الغاضریه

الشاعر رسول عبیداوي من الحميدية

****************

حبيبى انظرالحالى اوشوف رمان***ابکثرمااکره بيک اوصرت رمان

امنمص خدک امصن ماى رمان***اوکصتک کيوى احس من تدنه ليه

الشاعر هادي حیدري اصل من الشوش

****************

حبيبي ارموش عينک کلمني***حبيبي الصبربعدک کلمني

حبيبي الصاربيه کلمني***ولاعندک ذنب بلصاربيه

و ايضا:

يمن وجهچ يحلوا گمرچنه***اخلافچ بلضلام انعيش چنه

لمي اشرايچ اصيرين چنه***والي زوجه وحبيبه اتحن عليه

و ايضا:

يناهي الطشريت الشمل لما***احن اعليک مثل الولد لما

همت واتوهدنت بل شوگ لما***طحت والشوگ لاخر نفس بيه

الشاعر.سيد رحما السيد علوان البوشوکة من الفلاحية

****************

حبيبي مايصد عني ولارد***غيره ابد ماحبن ولاريد

شنهو ايامرعليه ولاراد***ابمحبه اتصير جلستنه سويه

الشاعر ملا مجید خزاعي من عبادان

****************

رماني سهم حبه و صاب، ورده***و حالي الضيم حالي صار، ورده

له بروس الخدود تشوف، ورده***ورد ماکو مثلها عالوطيه

الشاعر عبد النبي الباجي من الاهواز قرية الحايي

****************

ابحسباته الگلب حطک و شالک***عطش يا حيف ما حصل وشالک

ترف کل ظنتي الواشي وشالک***اسنين ارداف بس تلعب عليه

الشاعر سید شبر حسیني من الاهواز

****************

شصبر گلب اليحبک  شهوداء ***وصبح حبک ابدلالي شهوداء

امس خليت کل ربعي شهوداء***اذا ميت لگوني انت القضيه

الشاعر نسيم الناصري من الاهواز کوت عبدالله

****************

شعره ايموج وي نگلت جدامه ***اولحظه ايصوب اليعرض جدامه

اشتم جدته اوجده اوجدامه***لين خلفت علوادم اذيه

الشاعر ابو هادي کريم عبدالخاني من شاوور

****************

شوگک ربه ابدلالي ولعراب***حروف الأبجدیه انته ولعراب

ما صح بالعجم مثلک ولعراب***سکنت ابناظري واتعن علیه

الشاعر منصور العرادي من سربندر

****************

عسل بشفاف محبوبى ويلزيج***ولهو رمان يتزانگ ويلزيج

 کتلنى ابسحربسماته ويلزوج***الچلاوى  وشب جحيم الکون بيه

الشاعر رحيم المنهل الحمیداوي من الاهواز

****************

علی حظی الردی یاترف هدباک***ولاملت ابعطب والگلب هدباک

علا اعیونک لون ماسترهدباک***شبت نار بعگول البریه

الشاعر شیخ محمد آل معلا من الشوش مدینة الحر

****************

علي يزعل حبيبي وگلت لاباس***وشوفه اهواي من الخلگ لاباس

گضيت العمر لاشميت لاباس ***عساها ابخته يتدلل عليه

الشاعر سعید باوي من الاهواز کوت عبدالله

****************

عليک الگلب طول اليل بسلاي***ولاريدک دواللغيربسلاي

شقدملک وردلوعنب بسلاي***اذاانته الوردشنهي الهديه

الشاعر مهدي چعبی الريحاني من ماهشهر

****************

کتبت امنل شعر لجلک دواوين***شبه مجنون وايدور دواوين

چانون القضاء تدري دواوين ***ابوسط گلبي او بگت ناره سريه

و ايضا:

وحگ الي نطاک اثنين شامات ***او جعل حبک لعد اليوم شامات

من خدک احب اشکثر شامات ***جوري اوالرياح اتفوح هيه

الشاعر جعفر ابوعباس الزرگاني من الاهواز کوت النواصر

****************

کتلت إمتيمک يدعج منيفاک***إمکبل و ألهج إباسمک منيفاک

تعال إبفاي نکطکي منيفاک***إبرشفت فاک روحي إترد عليه

الشاعر سيدمهدي الموسوي من الاهواز

****************

کضيت العمربالحسرات والون***اوشرايين الکلب ذوبلن والون

العين اتشوف کثره اشکال والون*** تعشک والکلب ناره سريه

الشاعر عبدالمحمد الشريفي من رامشير

****************

گربک ماکو شی مثله ولحله***و وصلک دوم اسرن بیه ولحله

حلو خل ینشد ابخله  ولحله*** شمل خلین من یلتم سویه

الشاعر احمد خنفري من مدینة الفلاحیة

****************

ليلو الثغر ودعج عین وکحل***غنج والریج لو مر چان وکحل

غمض دصدعنی اویاک وکحل***هلاکی ابنظر یالمطلوب دیه

الشاعر ملاغلام ابومحمد البوغبيش من مدينة ماهشهر

****************

ما بطّل سمه وکتي من الصب***عليه ابلا عدل ضدي من الصب

اشوکت افرح ونه انصبلي من الصب***وصط شارع بسم شاعر بوذيه

الشاعر عباس الکوتي من خرمشهر(المحمرة)

****************

متبدل حبیبی مالک انته***حچی الواشی رفظته مالک انته

الک کلشی ابوجودی مالک انته***اشابه قیس من تزعل علیه

و ايضا:

متبدل حبیبی مالک انته***حچی الواشی رفته مالک انته

الک کلشی ابوجودی مالک انته***اشابه قیس من تزعل علیه

الشاعرکریم حمادی الساري من الحويزة (الرفيع)

****************

متیقن انه ابعینای شفتل***گمر دنگ خجول و باس شفتل

حبیب و شعرا ظلمت لیل شفتل***دگلی اشلون شفتل یا نویه

الشاعر نسیم نبگاني من الاهواز

****************

نبع  بان  الغنج  طوله  من  انته*** سحرنی  او  گمت  اگل  ضلی  من  انته

علي  یا  ریم   نادیته  من  انته ***ابنظره  او  خل  یرد  عگلی  علیه

 الشاعر قاسم ابو میلاد النیسی من الاهواز

****************

وحگ الله اونبی الرحمه ولکتاب***دمعی اویلحبرسایل ولکتاب

دلیلی لاتظن یرجع ولکتاب***ابسبب صغرک اوظیم اهلک علییه

الشاعر حسن نیسي من الحويزة

****************

وحگ گمر الذي ايلالي بليله***سنيني اوياک اعدنهن بليله

 مثل قيس الفگد عگله بليله ***إفگدت عگلي انا إبدونک خطيه

الشاعر مرتضي نيسي من الاهواز

****************

یبو ثوب الحریر او ثوب مل مل*** عجزت الصبر ولفکر مل مل

اذا تحرگ الگبی ارجوک مل مل ***دخل کله ایتستو بل سویه

الشاعر عبدالنبي الخسرجي من مدینة شاوور

****************

یحلوالطیب من طیبک حیینه*** ولیالی من اجلک طویله حیینه

 واذامراسمک اباسمک حیینه*** لان تحمل خصال الاریحیه

الشاعر فاضل الثوامري من سربندر

****************

لچمات اجروح اتزیدوکتل***مسه وختنگ بل عبرات وکتل

عله اشفافی ادمع یامحب وکتل***جفاک اهروش گلبی اوعم علیه

الشاعر جاسم الحمیداوي من الاهواز

****************

یمن فرگاک دلالی مثلما***إلی تبگه الحیاة انته مثلما

أون وانحب عله افراگک مثلما***نعت زینب عله اچفوف الرمیه

الشاعر عزیزسعیدیان الحاتمي من الاهواز

****************

کغصن البان یاخلی میالک،***وغزیرادمع صب یشگرمیالک،

عذرا"لون مکتوبی میالک،***اشمریداکتب یمسحه ادمع لیه،

الشاعر رمضان العگیلي من الاهواز

****************

جلااصورعيونک وهدباک***اودليلي ماهداابغيرک وهدباک

ياهوعلهجرگادک وهدباک***عفتني الياذنب وگطعت بيه

و ايضا:

حداضعنک ونه اعيوني سلاهن***دمه وسيوف هجرانک سلاهن

الدهروعضاي هم تدري سلاهن***جفاک اوفرگتک عمت عليه

الشاعر محمد البهادلي من الشوش (حر الرياحي)

****************

اشیمنعک لون عن حالی تسلنی***ابلطف یلماگلت مره تسلنی

ابسگم هجرک لماگاعدتسلنی***ونته ادره ابوصالک ضمدلیه

الشاعر صدام جنامي معاوي من الاهواز

****************

عاثم جرح البگلبی ویادی***وداوی یاجرح بالله ویادی

جدچ حاتم الطایی ویادی***علی بابه و یرتجی عطفچ علیه

الشاعر علي ابو نزار صالحي من عبادان

****************

اعیونی مو دمع بل دم بینلاک***وگلبی ما اظن یسلم بینلاک

حبی ابصدت الأوله بینلاک***مثل ما بین اهلالک علیه

و ايضا:

الک چل بحر حبی ولک فی*** وسجل گلبی الک منزل ولک فی

 لون افدیلک اعیونی ولک فی***تکفی الروح اقدمه هدیه

و ايضا:

چن سیل الیصب ادموع موعن***واحترجن اگل اعضای موعن

لجل خلی الگطع ویای موعن ***هوی نفسی و لا علتی الخفیه

و ايضا:

چنت اعضیدی احسبنک وجعلک***واذا هاج الوجع بیه وجعلک

 گلبی اشتعل وتویر وجعلک***من شافک بعتنی وخنت بیه

و ايضا:

من حبک ابد ما جوز کلا***ولو ادری الجسم تعبان کلا 

محتار ابهواک ابغیت کلا***فکر عنده او یمشی ابلا وعیه

الشاعر صادق سیلاوي من الاهواز

****************

ادور  بلمناجد ردت کلما***توصفک یلجمالک عذب کلما

أحن الشوفتک عطشان کلما***اشوفنک يزود العطش بيه

و ايضا:

اگطعت وانگطعن انفاسی وجنحین***اجیت وصرت الی اجدامی وجنحین

اجن لوما اشوفنک وجنحین ***اشوفنک تجی وتجبل علیه

و ايضا:

شفت بستان زاهی ابیوم شفتاک***من حبک یساهی العین شفتاک

الخد رمان، طولک بان ،شفتاک***کرز ،لعیون سود و نرجسیه

و ايضا:

يامرحبا ابمحبوبي وياهل***هل والعيد بفراحه  وياهل

أشيب من يفارگنی ویاهل***ارد  احبی اذا یجبل علیه

الشاعر علي غالب ابوسام (درفش) من الفلاحية

****************

ترف طرفک سهم من صد ولکتم***ابدلیلی وعل هجرصبری ولکتم

اسگمت حایر یغراجهرولکتم***ابغرامک یل سبب علتی الخفیه

و ايضا:

سهم من صد ترف طرفک ولملاح*** ابدلیلی و لل طبیب ایضا" ولملاح

 یغر شکلک عذب شکلک ولملاح***اتنور انته ونه انیران بیه

 الشاعر رمضان ابوفارس سيلاوي من الاهواز

****************

وحگ القدمت بطف شهیدین***الک شفزع یمحبوبی شهیدین

مثل یعگوب من ونی شهیدین***ولا یوسف صرت وترد إلیه

الشاعر مسعود حاتمي سعيداوي من الاهواز کوت (عبدالله)

****************

عسل یلی ابحلات الریج شفتاک***انشقف گلبی ابمحبتک یوم شفتاک

الدین ابحالتی متگول شفتاک***حرام ام حلل البوسات لیه

الشاعر عبداحسین الباوي (صياحي) من الخفاجیة

****************

و تعذر قيس و ارسل على وزن الهات:

عگلی عذره ابنظرطولک من یجن***اسهام مونظرات عینک من یجن

لون شعرک لیل اسود من یجن***والگصایب بالنجوم امطرزات

و ايضا:

سفني نظره وخدي يحمرمن يسف***اظن ماخذکل جماله من يسف

اهناک  اتکتر اخافن من يسف***الگصایب جنهه حبل المشنقات

الشاعر قیس الشامي الفرحاني من خرمشهر (المحمرة)

****************

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP