موسوعة الادب العربي في خوزستان

TPL_KH_LANG_KH_MOBILE_DESKTOP TPL_KH_LANG_KH_MOBILE_REGISTER TPL_KH_LANG_KH_MOBILE_LOGIN

مشارکة غزلية من شعراء خوزستان

عيدية غزلية من شعراء خوزستان: عيد مبارک و اسعد الله ايامکم و کل عام و انتم بالف خير و عافية. هذه المشارکة من شعراء خوزستان، تختلف عن المشارکات السابقة من حيث أنها حرة بلا تحديد اي لون من الوان الشعر و موضوعها غزلي بمناسبة عيد فطر السعيد، و طلبنا من شعراءنا الکرام بارسال احسن بيت غزلي عندهم عيدية لمتابعي اباحث موسوعة الادب العربي في خوزستان (ادبنا)، فارسل الشعراء ابياتهم المفضلة في موضوع الغزل و شارکت في هذه الدعوة ما يقارب ۱۰۰ شاعرا. و الغزل غرض قديم من اغراض الشعر العربي يبين به الشاعر احاسيسه و عواطفه الطاهرة و الصادقة تجاه موضوع خاص فيصف نار الحب و لهيب الجوى الذي يستعر به قلبه، و هو عنها راضٍ بکل ما يصله من محبوبه و يسکن في حب دائم لا ينقطع، و إن تخلى من وصله الطرف الآخر، و يصبح شعره بکاء و أنينا و تضرُّعا، و لکنه لا ييأس الشاعر من الوصول الى معشوقه في کل حين. و کما تعلمون عُرف الغـزل منـذ العصر الجاهليّ، و ما نحصل عليه من تراث عصر الجاهلي من شعر الغزل هو رقة مشاعر شعراء الغزل و معاييرهم في جمال المرأة و لا يتعدى اکثر من ذلک، و لکن کان للإسلام تأثيرا ملموسا على شعر الغزل بحکم تأثيره الأخلاقي و الثقافي في المجتمع، و خاصة في العلاقة بين المرأة و الرجل، لذلک اتصف الغزل في العصر الإسلامي بالطهر و الصفاء و العفة، و برزت فيه بعض الأفکار و المفردات الإسلامية و استولت روح الصدق على الشاعر الغزلي حيث ينبثق کلامه من اعماق وجوده و يبرز شعره بحرقة و انين، فهو يقنع مستمعيه بحرارة عاطفته و أمانة وصْفه لما يعبِّر عنه من شعوره تجاه محبوبته، فتظهر کلماته صافية لا يلوِّثها الخداع الاجتماعي و النفاق و المداراة التي قد لاتکون عند غيره من اغراض الشعر. و اصبح الغزل وسيلة للتعبير عمّا يجيش بصدر الشاعر و يصور احاسيسه بنعي حبيب معنوي او مادي ابتعد عنه و يرغب النفس بوصله و هو من اصدق و اعذب الاغراض الشعرية، و يميل اليه اکثر الشعراء في الشعر الشعبي و الفصيح، کما مال اليه شعراء العرفان و منهم الامام الخميني(رحمة الله عليه) و من قوله المعروف: من بخال لبت اي دوست گرفتار شدم* چشم بیمار تو را دیدم و بیمار شدم. اليکم ما ارسله شعراء خوزستان في الغزل:

(رتبت الابيات حسب زمن الوصول)

مو عجبه إذا وجنتک تلهب نار***لئن من نارکلبي ماخذه الضاها

العجيبه الناس تشردمن سنان النار***وانه ابلهفه اجيت اتشابک اوياها

الشاعر رحیم ساري من سوسنگرد(الخفاجیة)

***************

ابصحن مرمرنقطه عنبرشامتک***ميت او روحي التردهه شامتک

تايه اولا عقل عنده شامتک***کيف يشمت ونته ذن بيک اصفات

و ایضا قال:

يخلي الغيرک کلي  ولکمن***عليه ابنظرت اعيونک ولکمن

احرکتني ابنار هجرانک ولکمن*** تعاود تطفي النيران بيه

الشاعر حسن المحسن نیسي الحویزي من الحويزة

***************

إکول العيد هل مجبل وعايد***و جيتک منکصرخاطر وعايد

ازرعت ماحضلت ثمره و عايد***الناس احصدت و آنه افرک بديه

و ایضا:

أهنا يمن حذت الکلب عيدالنه***ابحجي الوفه ياصأحبي عيدالنه

تدري اشوکت نفرج يتم عيدالنه***لو ينجمع لم الشمل و لمعشر

الشاعر شامخ عبیات المنصوري من سوسنگرد(الخفاجیة)

***************

ايام الفرکتک عديت بلعيد***تهت يل ماخذ الدلال بلعيد

دليلي انتظريمته العيدبلعيد***تجي و بلعيدخل نفرح سويه

الحاج عبدالقادر المزيدي من شادگان(الفلاحیة)

***************

امتانی لاتروح ابساع بلعید***وصلک ولگلب مشتاک بلعید

عندی اهوای الک بوسات بلعید***امن اعدنهن جمر و یدور بیه

و ايضا:

باچرعود يسطع نور الهلال*** ويملي ابلادنه العيد ابفرحته

گلت خل اسبگ انه العيدجدام*** الحبيبي الحاب أحط بسمه اعله شفته

الشاعر سالم الساري من الاهواز

***************

ترف یالما چنت تشبع من ایتای ***اهجرتنی اوشوفتک ظلت من ایتای

لونک جاینی ابساعت منیتای ***اوحیاتک عمرثانی انطیت لیه

و ایضا:

چذب من گال یشگر مره شفتک*** اورحیقک عسل وسکر مره شفتک

انه ابکل  هذاعمری مره شفتک*** وره عشرین عام ارجعت بیه

و ایضا:

صرت ماشوف غیرک منحبیتک***اودهاک استلم گلبی منحبیتک

انه امن ابعید اعرفک منحبیتک***لان ادوس اهیسنک علیه

الشاعر اسماعیل عیدان مشرف المشعلي من الاهواز

***************

حبیبی دموع سیل العرم هلیت***بجفاک واسئل الدلال هلیت؟

بلچی وها گبل شوال هلیت***فطرتک والصلا خلهن علیه

الشاعر ابو موعود الرشيدي من خرمشهر(المحمرة)

***************

چبدي ابنار هجرک هاک گلبي ***احرگه ولا تظن العشگ گلبي

تدري چم جرح جرحيت گلبي*** ابيوم العيد ماتنشد عليه.

الشاعر عواد بچاي الرویشداوي من الشوش

***************

حبیبی صیامک مبارک وعیدک***وفی وکلوکت ماتخلف وعیدک

احب کل یوم اشوفنک عیدک***وکل عام ابسلامه تعود لیه

و ایضا :

طبع بینه الکلام الیخل من عید***وناخذ من یجینه العید من عید

علینه اسأل ابیوم العید من عید***ننسه الغیض ونعاید سویه

و ايضا:

سلمت امری الحبیبی العذب گلیبی ابهوا***ولونطونی الدنیا کلها مااحب واحد سوا

بکیفه یتدلل علیه قابل بحکمه وقضا***یرید یرحمنی بواصاله یرید یکتلنی ابجفا

و ایضا ارسل:

الک یل عذبیت الگلب بدراک***حنینی وصرت من ویداک بدراک

مته یشرگ علیه ابفرح بدراک***و عاید من صدگ لوعدت لیه

الشاعر مرد مقدم من شادگان(الفلاحیة)

***************

حریسه العین من تمشی تربلاک*** وعمردونک علی یکلف تربلاک

اذ اتخالف عهد حبنه تربلاک*** ولم الناس من تزعل علیه

و ایضا:

سره الگلبک دلیلی ونتقل بی ***وصبحت انت مهجتی ونتقلبی

عشربیبان گلبی ونت قل بی ***عشر بیبان بانیهن الیه

الشاعر سعیدکوتي الحویزي من الحويزة

***************

دمع الفرح لو هل منشفتله***اوحبیبی العید هلهل منشفتله

اشحلات الکلمه تطلع منشفتله***تهانی  العید والبسمه سویه

الشاعر محمدحسن العرادي من سربندر

***************

گلبی ابنارحسنک شبکیانه***و تبخرنهر دمعی شبکی آنه؟

هذا الصاده گلبک شبکی آنه***یاملک المای رجع گلبی لیه

و ايضا:

یبو لمعة جبین ابساعة اللیل***أوج احساسی لجلک واعلگ الروح

إذازلفک شطب والإیدسچین***هذنی اورودماصدگهن اجروح

الشاعر مرتضی حيدري ال کثیر من الشوش

***************

هلال العيديا صيام هل هل*** و فرح کل مسلم ابطلعته و هل هل

مسچ عطرک يعيد الفطر هل هيل؟***سعيده ايامک الکل البريه

و ایضا:

يا هلال الفطر بينه يابه عيد***وخل نصيح ابصوت عالى يابه عيد

اسعد ايامک يدانى و يابعيد*تنقبل بأذن الله صومک والصلات

الشاعر رسول عبيداوي من الحميدية

***************

وحگ عينک وحگ طولک وجسمک ***علي بالي اشمريد احچي وجسمک

لون بيدي اکضنک وجسمک ***ثلث لهلک وثکثينک اليه

الشاعر جاسم الخزرجي من الاهواز(الگمبوعة)

***************

الک یا ولفی من شعری یبت بیت***رزن و مسودن ابهجرک یبت بت

مثل مکروهه و چماله یبت بت***و لو حلوه الملامه اتحوف بیه

و ایضا:

یولفی اسنین عمری انتهن بلعید***مرید اجفاک ذاب الجفن بلعید

مو گتلی اتلاگه اویای بلعید***خذانی الشیب یمته اتحن علیه

و ایضا:

نحیله الروح صدگ من شفاهه***وتبهذل گلبی بلحب من شفاهه

لذیذ العسل ینگط من شفاهه***ضگت منه وحیالی المات بیه

و ایضا:

یا هوسه التسلینی ویابیت***و یا مسجدحمل عتبی ویابیت

احلمت نجمه اطلگت بلحب ویابیت***گمر ولهسه شاعل ناربیه

الشاعر نسیم الناصري من الاهواز

***************

احب وصلک ابیوم العید ورده***انشتل حبک ابراس الگلب ورده

نحیل الجسم منی صار ورده***هواک الوسداه اعلی المنیه

و ایضا:

حبیبی المالی غیرک أمل وسلاک***و لا لحظه ابدلیلی اتضیع وسلاک

ابجفاک اخیوط جسمی انفتل وسلاک***و بقیت انحیل بس النفس بیه

و ايضا:

حبیبی دوم احب وصلک وباریک***ابوحل حبک طمس جدمی وباریک

اضل بلعیداحیلک وباریک***و اودی الروح لوتقبل هدیه

و ايضا:

حبیبی واحب منصحتی صحاله***جفانی و لا اله ضامر صحاله

مر بلعید و لسانی صحاله***سمع لاکن بخل بلرد علیه

الشاعر حسین وحید الساري من الاهواز

***************

أشلون ابغيرحبک تظن شبگه***حبيبي الشبگتني ابشوگ شبگه

أشوکت واتشابگ آنه اوياک شبگه ***تگلي وآنه أگلک ظل بيديه

و ایضا:

أموت أبقهر بعدک ونتلايم***غيري و ظيم دهري ونتلايم

أشوکت وصلک أنوله ونتلايم***روح أبروح وألحب يشع ضيه

الشاعر مهدي ارزيج النعیاوي عساکره من شادگان(الفلاحية)

***************

العليه جنت اسهر اليالي ولالي***عليه مدمعت عينه ولالي

لالي ويل جفه حوبه ولالي*** بخت حتي ابوصال ايحن عليه

و ایضا:

غزلني اليالي وبره مني***وتعال وشوف حالي وبره مني

جيب الخيط منک وبره مني***ونشل اجروح البگلبي سويه

الشاعر عبدالقادر مجدم من شادگان(الفلاحية)

***************

تله العاشق اسیر ابصوت بأیت ***بعد حاء الحقیقه النوب باء یت

انه ابسچت قطار الشوگ بایت ***اذا متمر قطار ایمر علیه

و ایضا:

یمرسه ابلی جمع خلان مرسم ***شبه لوحة هجر بس لوح مرسم

بلیه الخل دخله الیصب مرسم ***یصب النه و دخل نجرع منیه

الشاعر محیی چاملي من شادگان(الفلاحية)

***************

دمع الفرح من شفتک ولک هل***رحب بیک دلالی ولک هل

هلال العید یمدلل ولک هل***بجاه العید بلکی تمرعلیه

عباس ابوسعید الکناني من الشوش

***************

خدک إلقاعا او جفونک منصلي***مستوي گلـبي إبـودادک منصلي

بلـقـنوت تدري شگولن منصلي***ربنا لا تفرق بیننا إبهل حیات

الشاعر عادل خلف ساري من الاهواز

***************

هاجدمي ابغيابک سار هاکل***وهانصي انضرم حسرات هاکل

يسمر يلفراگک طال هاکل***گلب وبلبتک علگه سخاب

الشاعر توفیق نصاري من شادگان(الفلاحية)

***************

یل خذیت الگلب عدک یابه عید***وانا وهگان ابغرامک یابعید

اشوکت تدری ایصیر عدی یابه عید***من تگلی الیله اضل یمک ابات

الشاعر مصطفی کثیر من الشوش مدینة الحر

***************

هل العید بس یا عید وچسانی الوکت هم وزودت نوحی

وگلت عیدالمبارک یامصاب البین وچکلیتی الدموع وساتی اجروحی

و ايضا:

موحتما العایزعل نواط ایعوز***وچسیت العوز انا ابلمت احبابی

گبل لاچف یجیلک انت اتعناه***و صیح اهلا و سهلا علمت بابی

و ايضا:

یانسایم شته وبلحر عایده***و بوسط گلبی اخیول هجرک عایده

اگصد المحبوبی خایب عایده***وخل ابوسنهن اشفافه الصایمات

الشاعر مهدي الیازع الصرخي من الشوش من مدینة الحر

***************

ردت ابهلفطر أتعايد اوياک***لاچن لالگيت و لاشفت دارک

بگليبي صحتلک ليلة العيد***يا يوسف الزهره عيدک امبارک

الشاعر علي الحاتمي من الاهواز

***************

ابدليلي شوگ الک دایم ولهدوم***أعـمّـر و ابنـي ابحـبّـک ولهـدوم

هِـدِم لا تشتري ابعیدک، ولهدوم***أفصّل روحي لعیونک بـدیّـه

الشاعر منصور العرادي من سر بندر

***************

حبیبی انته سبب علتی وجنتی***اوخلیت الدمع گصص وجنتی

جفاک ایسعر ابناری وجنتی***وصالک لو ترید اتعود الیه

و ایضا:

حبیبی اعلیک گلبی انشغل ودراه***طواه شوگک شبیه السجل ودراه

اصبی عینی الدمع بجفاک ودراه***اشوفک بیش من اتعود الیه

الشاعر نعیم ابو مسلم الکروشاوي من الاهواز

***************

کون انته طير اتصير وآنه الاصيدک *** ولقفص قلبي ايکون مفتاحه بيدک

کون آنه ونته انصيرسمجه ابطن ماي*** أونکضي العمر بلشوق للتالي يهواي

الشاعر ملا عمران العبادي من عبادان

***************

من خده ولفي اتمکنت بستاني***منه ازدهر وردي و عمر بستاني

اعليه احشم يا ترف بستاني***من الشفايف بوسه رايد يشکر

و ایضا:

جرح البگلبي اغميج ماله دوه و داي***بس بوسه تشفي الروح من شفت اهواي

الشاعر عبدالحسین باوي صیاحي من سوسنگرد (خفاجیة)

***************

اخوتي اشما جفوا وياي احبنهم***اشعندي غيرهم خواني اريدنهم

هاذه اليوم عيد وکلت ازورنهم***افرح يادليلي وبشر انصارک

ايامک سعيده عيدک امبارک

الشاعر هاني المدحجي من سوسنگرد (خفاجیة)

***************

علينه ابخيرمن هليت ياعيد***خليت الگلب خلان ياعيد

دضل ازهى يعود الياس ياعيد***الامل حتى الاهل تسگيک ميه

و ایضا:

اشد ابتوت دلالي وعايد***مراجيح الأهل ودي وعايد

قبول اصيامکم يهلي وعايد***ابسرور العيد وياکم سويه

و ایضا:

المرقدعلى ، ماقبل؟ محبه؟***احبه ودنبى ابحبه محبه

ضده اشما يکرهونى محبه***احسبتهاوفضل من ربى عليه

الشاعر جواد عتابي من الجراحي

***************

عندی الأمل بلعید و قسم بلحسین***یظهر حبیب روح و یکحل العین

الشاعر مسعود سعیداوي (حاتمي طرفي) من الاهواز

***************

الک ضحیت کل عمری وعیدین***ورید احچیلک اشعندی وعیدین

حبیبی انته او نظر عینی وعیدین***الی ابرمضان من تجبل علیه

الشاعر سید عبدالخالق ابو عبادي من ماهشهر

***************

من ضحچتک لب دلیلی ینفطر***اوعگلی من نظرت جمالک ینفطر

واجب ابنخلات صدرک ینفطر***العید مجبل ولعثوگ امکرکشات

الشاعر کریم الزهیري من الشوش

***************

ضعف جسمی ولا إمن الحیل تمشی***او بس ایدی لمای العین تمشی

إمن اشوفک یوم و یا الغیر تمشی***أبیدن و الهدم یثگل علیه

الشاعر محمد کعبي من الشوش

***************

اشضرک یا دهر ننجمع لیلا***ابنعم تسعف ولا تنگال لی لا

غفل منی ارحلت یا حیف لیلا***بوسط بیده اگطعت یا دهر بیه

و ایضا قال:

قرّبي ما بیننا  بالحل فالعشق عباده ***واذا ما دنت الانفاس و الهمس رفادة

یتلاشی کل ما في الکون من عیب وعاده***وسنبقی  مثل طیرین علی غصن السعادة

اه لو تدرین مابي اه من نار التهاب***اه لو تدرین ما بي من دموع وعذاب

لیس غروا ان تبعت الناس في وصف انسکاب***فمصاب الناس بالحب قدیما کمصابي

و ایضا قال:

العهد ویاک ماخونه مثلما***لئن بالنسبه لی شخصک مثل ما

احلفنّک علیک الله مثلما *** أحنّ اعلیک هم تحن علیه

الشاعر شیخ مهدي الساري من الحویزة

***************

"رحیل"

قبل الرحیل

کتبنا اسامینا

علی اشجار الحدیقة البیضاء

فی الشتاء

غدا"

سیأتی الربیع

تخضًر الحدیقة

و تکبر الاسماء

لکن انا و انت

لسنا فی البلد.

الشاعرة منی حزابی زاده من عبادان

***************

ینزف دمع البعینی ویهلای*** ترکت الچان ضامرلی ویهلای

اجانه العید متولم ویهلای ***اجیک ابشوگ نتعاید سویه

الشاعر حاج عبدعلي مرعي من سوسنگرد (الخفاجیة)

***************

يا صاح کافي الهجر طره علينه فطر***من ماي وصلک کطع صبح ابکلبي فطر

طير المحبه صدک زاده کطعته فطر***من عکبک آنه صرت بلهم صفک راحتي

و اجمع اهمومي الصبح و اطحنهن ابراحتي***لو رايد انته صدک ما تنسلب راحتي

عايدني ويه الخلک بيام عيد الفطر

الشاعر سيد شبر حسیني من الاهواز

***************

سبحانه الخلق عينک ورمشاک***وخله الکلب کل مشيه ورمشاک

شنهو هاذ بخدود ورم شاک***اظن تفاح و مقطي عليه

الشاعر صادق حسون ابو سامر الساري من الاهواز

***************

اجه الواشی یگلی الیوم شفته***حبیبک یفتي بین اناس شفته

فته اوحلل علیک اتبوس شفته***اوعله المخلوق حرمهن سویه

و ایضا:

کل مسلم یتانی العید یاهل*** بعطورا الورد فواح یاهل

انشدنک اضل ميئوس یاهل***تجی اویل عید لحبابک سویه

الشاعر عارف کنعاني من سربندر

***************

مر فرگاک ما ینجرع مریم ***علی اگلیبی و وصالک ورد مریم

یطارش لورحت للسلف مریم*** تراها و النبوه افتکت بیه

الشاعر علي الصالحی ابو نزار من عبادان

***************

غرگ مشحوف همک شلهه بیه***صحت و جروحی منک شلهه بیه

هبیه اهواک یدعج شلهه بیه***اجذبتنی اعاصفت ودک هبیه

و ایضا قال:

احبکم یل احاسیسی هونکم***اعزاز او لا یحب گلبی هونکم

صحت یحباب تانونی هونکم***مرار  افراگکم اثر علیه

و ايضا:

چانون اشتعل  گلبی والک عن***دخیلک یسمر اسعفنی والک عن

الک ویه الطرد کل شر والک عن***سحر هاروت و امدوخ البریه

الشاعر محمد الراشدي من دزفول (شهرک سید نور التفاخ)

***************

رضاب اشفاک یشگرماسکن بیک***واسف حبی و ودادی ماسکن بیک

چنت وکت الموادع ماسکن بیک***ابرحیلک خذت یوزا چفوف ادیه

الشاعر رمضان العگیلي (عقيل) من الاهواز

***************

عسل شتر ید بس امرعسل مر***عسل خلهم یشوفنک عسل مر

احلفک یاعسل شایف عسل مر***ابلهتاتی چیه تمر ماتمر بیه

الشاعر فرحان کناني من شاوور

***************

یلخذت محبوب گلبی عیدلی***هوه روحی وهوه عگلی وعیدلی

تدری ابیا یوم اگولن عیدلی***ابیوم اشوفه یلتف ابحظنی ویبات

و ایضا ارسل:

اذا تحزن اصیرن ونتکانه***انا انته حبیبی ونتکانه

اصیر ازرار زیجک ونتکانه***اشیفکک من اتک روحی بدیه

الشاعرعبدالکاظم فاضلي الحمیداوي من شاوور

***************

يل شوفتک عيدين عيد احله من عيد***من عدي الک بوسات عل وجنه والجيد

يل شوفتک عيدين فطر وضحيه***من عدي الک بوسات صبح ومسيه

الشاعر کاظم خسرجي من الاهواز (المگطوع)

***************

(جل ال ) جمع بين النار والماي*** بخدوده و، منهن نشب ،ولماي

دمع ، يا عين کل ما بيج ، ولماي ***اريد ابجي علي ال، مارحم بيه

الشاعر عبد النبي الباجي من الاهواز (الحایی)

***************

یا ناهی بشوگ من لاهی ترکتل***هوی؟و ضیمک وسط گلبی ترکتل

اذا ما جیت لوداعی ترکتل***روحی، و موتتی تصیر بإدیه

و ایضا:

همت و الگلب من فرگاک بیدای ***و حرت أبدی لعلاجی الصعب بیدای

الوکت من چنت یمی چان بیدای***رحت منی و ضعت آنا من إدیه

و ایضا له:

ازف اشواگی کلهاعطور و بألوان وردیه

و تحیاتی بکبرکارون  ونخلات الفلاحیه

بحلاة البرحی و الگنطار وطعم بیت الابوذیه

بحلول العید اگلک هاک إخذ گلبی الک بمکان عیدیه

و ايضا

گالو اهل الدین باچر یوم عید***وحرت شأهدی للمحب بأعیاده

شفت خالی الوضع مامش شی بل اید*** گتله هاک الگلب علگه گلاده

و ايضا:

بوعیدی اوفیک یالوافی وعیدک***وأرجعک لو ردت تبعد وعیدک

بسرورأیامک أتمنا وعیدک***مبارک وبهواک تدوم لیه

الشاعر عبدالخالق آلبوعلي من  شادگان (الفلاحیة)

***************

علی الساعه التواعدنه میتلی***او علیک احزنت چن واحد میتلی

نذرت السانی غیر أسمک میتلی*** لحدما ترجع اوت عطف علیه

وایضا:

دلیلی ما یثبته اثبات ونجر***تعلگ بیک عته الشوگ ونجر

لگصلک وصل من اعضای ونجر***صورت جندی ما خذلک تحیه

و ایضا:

جمیله او طیر سعدی منعس الهه***المحبه او شرگتنی منعس الهه

لها نظره او عیونن منعس الهه***او لها طول الیحط أجنون بیه

و ایضا:

أعیونی أعلیک من الدمع بل ین***وأعوض الراح بلکی انوب بل ین

ملومن قیس گضی العمر بل ین***لئن مثله شفت لوع و أذیه

و ايضا:

اهلالک يا شهر شوال منهل***علينه ابفرح دمع العين منهل

ويه الموعود ناخذ ثار من هل***طغات او نمحي کفران الوطيه

الشاعر ایوب زرگاني کربلایي من الاهواز (شيبان)

***************

بسمک ماعیزللسان بلعید***یون گلبی علیک و یدگ بلعید

لون دگیت بابی وجیت بلعید***اناوبابی ابرکض نفزع سویه

الشاعر عماد الساعدي من الشوش (مدینة الحر)

***************

خندق ایوصفون جرحک لافطر***وگلبی ماصام اعلی حبک لافطر

لاشهر رمضان یمنع لافطر***اشلون اصوم او وجنتک بیها الحیات

الشاعر منصور الیازع صرخي شوش (مدينة الحر)

***************

دخت لما عیونک کلمنّی***خدرت و راح حیلی کلمنّی

علی شوت أگلیبک و کله منی***و نجیب الگول و أنعید سویه

الشاعر سید مهدي سیدعبدالله الموسوي من شادگان(الفلاحية)

***************

روحي اجفاک عذبهه نحلهه***علي حتي الارض جمعت نحلهه

القضايه البيني او بينک نحلهه***تعال او خن اکظک بين اديه

الشاعر کریم حمادي الساري من الحویزة

***************

اغاري او کل وکت ايزود غيراي***عليک او ما يحبک بشر غيراي

مثل مهره او لفاها الخوف غيراي***الک او لو گبل شخصک عليه

الشاعر زکي  کريم الساري من الحویزة

***************

گضیناه ابحزن وبهم عمرنه***اتعبت گاع الصبرگدما عمرنه

اهوای اگلوب مکسوره عمرنه***لعد وینه الیعمر گلب لیه

الشاعر حسن مگطوفي ابوعلاء من ماهشهر

***************

هات من شعرالفرح بل عيدعيد***او عليه لا تبخل يشوقي عيدعيد

عيد من أحظه ابوصالک عيدعيد***يل دعيت العقل متسودن يبات

الشاعر حاج جلیل الحزباوي من الاهواز

***************

مثل هالناس یدعی مانعدک ***تدک و اتلال صدرک مانع الدک

شکو اتدور علیه مانه عدک ***بس عیناک ما طاحن علیه

و ايضا:

وحگ اعظم نبه البی حچت عما***گلبی الهم عگب عیناک عما

ما یحتای ابح بجفاک عما *** ..جرالی ارسوم وجهی اشهود الیه

و ايضا:

یا ترف بجفاک لحت عالدعی اید ***..گلبی و احسبلک ثوانی عد اعید

لا تظن بالعید اعید، عدی عید*** من ترد و اتعید الیه الذکریات

و ايضا:

عدنی ابعداد بالک یابه عید*** یا جریب البیه احسک یا بعید

مو گلت بالعید اجیکم، یابه عید***عود حته اتفل حزنهه الذکریات

و ايضا:

تظن لیره ابغیابک ودرهم له*** ..دلیلی او غیر ودک ود رهمله

ودادک چیف اهمله ودری همله***علیه اصعب و امر من المنیه

و ايضا:

ادموعی ابمسح ما تنشف ولاماش*** یزت و ایست لا سم سم ولاماش

مامش من هلک طارش ولاماش ***طارش من هلی ینغر علیه

و ايضا:

اهنا یاللی ابلهیب اجفاک موعیت*** دلیلی او من ونینی اعلیک موعیت

او حیاتک مالی حیل انساک موعیت ***یعتنی الشوگ الک و ایگود بیه

و ايضا:

اهنا یالمالی حیل انساک وتریک***هواک او تضوی چن اسرای وتریک

یمی او عالدلیل اتیور وتریک*** انعم الله او لا گطع وصلک علیه

الشاعر عادل الحمادي من الاهواز

***************

لون أرشف الناهی ملمانی***صحیت  امن  الأذیه ملمانی

بطل لومک یلایم ملمانی***هویته ولا نفع کل لوم بیه

الشاعر محسن آلبوسلیمي من شادگان(الفلاحية)

***************

شجانی اعله الگصوا بیه بس اتهل***و عینی امن النظربطلت بس اتهل

یعید ابطلت افراحک بس اتهل***ابحیتک راح ازور العن علیه

ايضا:

العید اعگاب شخصک ماردیته***یلبهجرک دلیلی ماردیته

خذیت الگلب منی ماردیته***اذا ماذیک رد گلبی علیه

ايضا:

یریت اهلالک ابکل فرح ینطل***ابسمانه و یوم عیدک عمر ینطل

صدگنی یفطر امراد ینطل***خلگ صبحک لون ینفجر ضیه

الشاعر صدام ابوسجاد جنامي(معاوي) من الاهواز (شيبان)

***************

روحي الک يت ابشوگ تعرف اخبارک***و معطرا ابچلمات عيدک امبارک

الشاعر محمد بهادلي من الشوش (مدينة الحر)

***************

حلو و اروح دایم تحب وصلا ک***لبیب او جانی المعروف وصلک

احسن اصل و رکع الک وصلک***رکعتین اصبح لجلک تحیه

ايضا:

حبیبی امنل سفربسک ولک عود***علیه او مجبل اعلینه ولک عود

دمر او سلم ابطیفک ولک عود***لیله عید نتسامر سویه

الشاعر حاج عبدالزهرا حزباوي من شادگان (الفلاحية)

***************

السلني و نحل اعظامي ترف راک*** ولفي و شعره يتلامع ترف راک

ايا راک العله ازنوده ترف راک ***اغوصن بيه وشهک للثريه

الشاعر عباس الکوتي من خرمشهر(المحمرة)

***************

هله بهلال عید الفطر هلهل***علینه اوگام کلمن محب هلهل

دشوف الدمع غطه النظر هلهل*** فرح و فراگ رمضان الشفیه

وايضا:

ابسر حبک دگلی فاتحتمن*** او من یمک دلیلی فات حتمن

امهدل چنت تلطم فاتحتمن*** شفت سدرک طحت مقمی علیه

الشاعرجلیل سیلاوي من الاهواز

***************

ولهه اروح احس بجفاک ولهه***اسبب شوگک شدهلی البال ولهه

لهه امحبتک احن ومتحن ولهه***اون ماونت الخنسه اشجیه

و ايضا:

الگلب یهوا اوبات انفس ولعین***وسب من عاش بذل دوم ولعین

یخل ولع انفس علمجد ولعین***فعله اود اهل وده الوفیه

و ايضا:

اجلبنک یلیلی اولیل یعگب لیل***ذکره اولوعلک لوعه اتهدل حیل

اکتبلک شعربس اعرف اتئویل***الیحبک من صدگ لزید تعذیبه

و ايضا:

قفل گلبی اهواک یدعج سن سله***او ما ضحکله ابغیرسنک سن سله

سهم هجرک من یگلک سن سله***ابگلب گلب الیک حامل ذکریات

الشاعر ناصرفرطوسي من الاهواز(الغزانية)

***************

یا صایم شهر رمضان امبارک صومک امبارک***اذا انت ترید الخیر او دومک تمشی بدروبه

او تحب العتره بل اخلاص تدور ابحبهم التوبه*** یغفرلک  الاه الکون او یشفعلک ابمحبوبه

زین الدار آخرتک مثل ما زینت دارک

ايضا:

من مثلي ابجفه احبابه تمرمر***يناس او صبح ابريجه تمرمر

يدعج بلکت ابحينه تمرمر***اشوفک ولصعب يسهل عليه

الشاعر کریم ابو هادي چناني عبدالخاني من شاوور

***************

عطر شعرک چن حدیقة یاسمین***اورمش عینک گلی ماخذ یاسه مین؟

گلی یجرع انسولینک یاسمین***سکرک صاعد مثل علی حد النبات

ايضا:

عطر شعرک چن حدیقة یاسنه***او ایس اشگد من رحیلک یاسنه

من رحت ماگلت ترجع یاسنه؟***علدروب التمر چت افرش وبات

الشاعر مصطفی شلیجي عید من الحويزة

***************

یلیال الهنه عدتن و عدنه ***وصبحچن صارفرحه النه وعدنه

لن الله ورسول الله وعدنه ***اذاصمنه الشهرناخذ هدیه

الشاعر فاضل ثوامري من سربندر

***************

صفت روحي ابهوه الخلان مأنوسه*** وقدت فرحه الأهالي الأدب محسوسه

شعر موال، بوذيه ونظم هوسه*** ورود امفتحه بهالعيد نهديهه ابألف بوسه

الشاعر عادل ثوامري من سربندر

***************

یا ابونخیله اعله المتن عیدنه***نتسامر ابلیلک وطر عیدنه

رمضان حین انودعه عیدنه***ابشوال من فجره یطر و یظهر

الشاعر عبدالزهرا ابو علي الاسدي

***************

يرجع علينا العيد و إحنه بسعادة ***واللي يريد الخير يحصل مراده

و قالت:

ايها العيد الذي قد جاء نامع الأطيار

أغفو و أصحو على أمل رؤياک

التي هي أروع ماأصادف في الليل والنهار

إن لک بقلبي ربيعا مزهرا مليئا بالشدى والازهار

فأنا کموج البحر الذي لايعرف اين القراز 

الشاعرة عواطف حیدري من الشوش

***************

عوف الزعل يابو الوفه عيدالنه***ابطور الغزل يشمل فرح عيدالنه

جيتک عيد و بکره هم عيدالنه***ابعيد الفطر و ابجيتک نتبختر

الشاعرة نجات کاظمي طرفي من سوسنگرد(الخفاجية)

***************

يبو انخيله اعله المتن رماني***اوبسهام ناصبلي الوکت رماني

راميت الحزن والحزن رماني*** امحير وابفرکتک مااکدر

و ايضا:

وحک رمضان وصيامه ولعياد***اوورا کليوم بکليبي ولعياد

رحنه واوراحت السيره ولعياد***ويه اهلنه المظو تحت الوطيه

و ايضا:

کلشي  اليطري علبال ايمر واعدى***بس الحبيب الروح بعيوني اخلي

الشاعر جعفر ابو عباس الزرکاني من الاهواز

***************

ياحلوه لو بيدي اشکثر وبختج***ابحظج عساها اذنوبنه وابختج

جم صايم ابوردج فطر وابختج***اوجم صايم ابصايم جمالج فطر

الشاعرعلي الصالحي الطرفي من الحميدية

***************

لايهل وصل هواي ، أفطر و أعيّد

لا ، دونه دوم الصوم عندي و أزيّد

٢۶ / ٨ / ٢٠١١ الميلادية

الشاعر عادل السکراني من شادکان(الفلاحية)

***************

فذقت ماء حیات من مقبلها ***لو صاب تربا لأحیا سالف الامم

****

حمرة خد مها الدیره حیاها *** العجد و اهله وصدا الحایط حیاها

لماها لو جره ابصبخه حیاها*** ودعا الصبخه اللما جنه زهیه

و ايضا:

اشلیامه اتعوگنی عنک شنهوا*** واذا ما اهوه بدر وجهک شنهوا ?

گالو عید گلتلهم شنهوا ? ***العید ابفرگته عاشور لیه

الشاعرمحمد جاسم شیخاني من شادکان(الفلاحية)

***************

حبيبي إرجع بعادک  مرعليه***و صفت جيعان هجرک مرعليه

ابيوم العيد إنطرک مرعليه*** وذا ماتمرعاد إبعث تحيه

الشاعر غلامرضاعساکرة من شادکان(الفلاحية)

***************

عیداً یا حمول الولف عیداً***حتی العید یصبح علی عیداً

یلاهی الی جعلت الیوم عیداً***ارید العید وی ولفی سویه

الشاعر رحیم المنهل الحميداوي من الاهواز

***************

اسلام و جمع فرحانه بعدها***الفطر و البعض مختلف بعدها

الشیعه اتانی  المرجع بعدها***یعلن عید و تعید سویه

الشاعرحاج رحمه شبوطي الزرگاني من الاهواز(الزرگان)

***************

حگنه من اجفاک يسمر يانعيد***ما يکف اسنين همنا يانعيد.

خلنه نتراضه حبيبي يانعيد***انته ماسامع المثله الفات مات

الشاعر مسلم الزهيري من الشوش

***************

حلوا محبتک يا وفي مامنهه***بدنيه حبک مهجتي مامنهه

اشگدما نهوني منلعشگ مامنهه ***للموت اضل وهوا شبير و شبر

الشاعر قاسم مشعلي من الاهواز

***************

حلفت الغير حبک دين منهل*** اوعشگنه صبح للعشاگ منهل

الناس اتعيد ابشوال منهل ***وانا اوصالک يناهي العيد ليه

الشاعر خليل الحياوي من شادگان (الفلاحية)

***************

انتظرک یه عید وصار فتره اهوای***و محبتک و بلگلب کل یوم عندی اتزید

چنت صایم شهربس عندی ریحت بال***من صبح الفجر انتظر انه العید

الشاعر ملا علي مشعلي من الاهواز

***************

افگدک دوم باطیبات هل هل***افگدتنی ابیوم وکتک فرح هل هل

اهلال العیدعل المخلوگ هل هل***ارید العید و جیتک سویه

الشاعر سید محسن البخاتي من شاوور

***************

ابلقاک احتار اشمن مسک لوهل ***حبيبي و تسوه دمع الفرح لوهل

اره اخلافک اهلال العيد لوهل*** يبشرني ابأسه و حسره و اذيه

(المخاطب شهررمضان)

الشاعر فرحان الاسدي من خرمشهر (المحمرة)

***************

أتغزل طوال اليل ماخذني العشگ بهواي***حبيبي و دوم احبنه يحبني او مايغيرالراي

يگلی اگعدحبیبی اوگوم سولفلی ویأکد ابهای***السوالف تکثرویگرب یگلی اگرب لعدزلفای

دنیت اومن تدنیته امدایدی او یزودالفای***اضلن اسچب الدمعه حبیبی اومایردشکوای

أگله لیش یامحبوب فداالإسمک جمیع اعضای***یگلی هیچ ماتوصل تضرع وابچی ابسجدای

أسجدله واسولفله ابألامی وچثیرالدای***یگلی مرهمک عندی وکل عاشگ یفسرهای

أگله یاحبیبی اشلون اریدک تلتفت لیای***اریدالأخره ابتضمین اواریدالعزاناابدنیای

یگلی اثنینهن تضمین لوتضمن عهدوفای***غیری ماتحب ثانی اوتشرک بلعشگ ویای

اوبعدیطلب علیه اتصوم وابذل من حلالی اهوای***واناالیوم ریدابذل ابحگ راعی الملک ورای

وانطی المال للمسکین وابذل للشعرعطای***حتی لایعیرنی بخیل اوماوفیت ابهای

اریداوفی العشگ للزین واسولف محنتی اوسلوای***نسیت الناس یامحبوب اونسیت العشره اناابدنیای

(صفت ابحب حنان العید امعید من یعد اویای)

الشاعر عباس ال کثیر من الشوش

***************

خفايا الزيج من دنج تراون***غفل و اعيوني من عدهن تراون

خلف بالحشا و گلبي تراون***اون و اشفاي بالبانن عليه

الشاعر فرج ضمدي من شاوور

***************

حبیبی العگل من فرگاک ینعاد***یمن العمر دونک عدم ینعاد

یریت العید عام الجای ینعاد***علینه وشملک و شملی سویه

الشاعر محمود الصالحي من عبادان (الشلهة)

***************

چثیره اهموم صابتنی ولاعید***وطبع بیه اشتبه مره ولاعید

ابفرح ماکفن افراگک ولاعید***لئن انته البدیت ابهل قضیه

الشاعر سکر الستاوي الشوش (مدينة الحر)

***************

رسايل للتحبه الروح لک لک***اوسلمني عليه اهواي لک لک

گله البيت هاذه إنکتب لک لک***عله الشاطي او لهيب النار بيه

الشاعر حبیب ابو احمد سیاحي من الاهواز

***************

هله ابیوم الفرح لستمر والعید***وحسب گلبی چثیر اشواگ والعید

گالوبلخمیس العید والعید***ویصیر العید من نگعد سویه

الشاعر توفیق ملیاني الشوش (مدینة الحر)

***************

اناعشگی اویاک چن قیس او هوا***یعني حاضر افدي عمری الخاطرک

انته چن اهلال عیدالله ابخسوف***و اناصایم عمری کله اتنطرک

الشاعر سلمان ابومیثاق الحمیداوي من الاهواز

***************

أريد أقراک ياشعري وعيدک***الحبيبي الأنجز ابحبه وعيدک

عساک ابخير يحبييب وعيدک***امبارک والأحزان البيک بيه

الشاعر علي غالب ابو وسام درفش من شادگان (الفلاحية)

***************

مناره الطول من ابعيدشفتک***و طعم ريحان ضوک العسل شفتک

اذا شفه اعله شفه علت شفتک***الزک لوتکص اثنين اديه

و ايضا:

اباب البيت واکف جان شفته***حلو الطول و امن الورد شفته

تدري اشحکم کلبي ابهاي شفته***حرام الغيري تطيک الدنيه

الشاعر کاظم عفراوي من دشت آزادگان (الکوت)

***************

ياجميل ايامنه الحلوة التسر***اشرف الأعياد ياعيد الفطر

من يطرفجرک علينه اشگد حنين***تجمع الأحباب و اتزيح الکدر

تروي کل لحظة انت من فضلک وئام ***لهفة اگلوب اشکثر تهدي الظفر

تهدي حب تهدي الفرح تهدي السلام ***ريته يومک يبقه گد کل الدهر

الشاعر عبدالحسین علي صیاحي من الاهواز

***************

بچه الوني خضر يابس  ولفطر***الک و الگلب بي  ميه   ولفطر

اگظي اصيام کل عمري ولفطر***او لا عايد فطر وهموم بيه

الشاعر احمد خنفري من ماهشهر

***************

چن طیر و شلت بهواک و انتل***و احس گلبی انملخ و انتل

انته الساکن ابهل روح و انتل***نبض دگات گلبی التدگ بیه

الشاعر احمد ابو صبیح دفتریان من ماهشهر

***************

جوا الگلب حبچ یضل متخافی***یم الحسن جدمچ علی متخافی

انطینی بوسه امنل الحچی متخافی*** و خلینی یوم العید بالحب اسکر

الشاعر عدنان آلبوعبادي من ماهشهر

***************

الحلو حلوابحلاته شصف وصفه***وشوصف الصافی من الذهب وصفه

بس ماوصل فای الفاه وصفاه***الفای ابرشفته  یاخذ تحیه

و ایضا:

الشری امن ایدک عسل کل وکت مامر***وجدم الشوگ الک للغیر مامر.

ضامی وردت رشف اشفاک مامر***علیک اطلب لطفک علیه.

و ایضا:

کثره احباب بالاعیادعدها***وفه وبلمت الخوان عدها.

یلآهی بجاه هذاالعیدعدها***بسعاده اوفرح دایم واریحیه

و ایضا:

العید اهوای بی خلان سلهه***ونعش کل الگلوب البعد سلهه

البسمه وشفه بالعیدسلهه***اشکثربالفرح تاخذلک تحیه

الشاعر الشیخ عبدم مهیوب السویطي من الاهواز

***************

اهلال الفطربين هل هل النه***و تفوح ابعطر دلتي وهل هل النه

ابفخرشاجورعزمي هل هل النه***يبشر هلي ابعيد الهل عليه

الشاعر احمد بني سعيد من مدينة الجراحي

***************

تعال احچیلک اهمومی والی عید***اهمومک وانا ابچیلک والی عید

تدری العید یمته ایهل والی عید***لما ابلیله سمر نگعد سویه

الشاعرشیخ ملا محمد آل معلا  من الشوش (مدینة الحر)

***************

زعلک کفه هلطول ولک عید***اون ابغیبتک والطم ولک عید

الناس ابعیدها تفرح ولک عید***رد والفرح خله ایرد علیه

الشاعر  مسعود زهیري من الشوش (مدینه الحر)

***************

شکرا لجميع شعرائنا الکرام و اقول لکم احسن عيدية قدمتموها لمحبي الشعر العربي و متابعي موسوعة الادب العربي و عيدکم مبارک و ايامکم سعيده و کل عام و انتم بکل خير و عافية اعاده الله عليکم بالصحة و السلامة

اخوکم علي الطرفي

***************  ***************  ***************

 

 

 

کل الحقوق محفوظة لموقع ادبنا

TPL_KH_LANG_MOBILE_TOP TPL_KH_LANG_MOBILE_SWITCH_DESKTOP